ಸರ್‌, ಇದ್ಯಾಕೋ ಸರಿಯಿಲ್ಲ !
(Courtesy: vectorstock.com)
ಎಲ್ರೂನೂ ಬಿಟ್ಟು ಕೊರೋನಾ ನಮ್ಗೇ ಬರ್ಬೇಕಿತ್ತಾ
ಸ್ಕೂಲಿಲ್ಲ, ಕಾಲೇಜಿಲ್ಲ, ಇದೆಲ್ಲಾ ಬೇಕಿತ್ತಾ
ನಿಯತ್ತಾಗಿ ಕ್ಲಾಸಿಗ್‌ ಬರ್ತೀವೀ ಅಂದ್ರೂ ಕೇಳುತ್ತಾ
ಸರ್‌, ಇದ್ಯಾಕೋ ಸರಿ ಇಲ್ಲ…😞
ಬಸ್ಸಿಲ್ಲ, ರೈಲಿಲ್ಲ, ನಮ್‌ ಗೋಳು ಕೇಳೋರಿಲ್ಲ
ಹಂಗ್ಮಾಡು, ಹಿಂಗ್ಮಾಡು ಅಂತ ಹೇಳೋರೇ ಎಲ್ಲ
ಮನೆಗ್‌ ಭಾರ, ಕಾಲೇಜಿಗೆ ದೂರ ಆಗೋದ್ವಲ್ಲ
ಸರ್‌, ಇದ್ಯಾಕೋ ಸರಿ ಇಲ್ಲ…
ಬಾಯ್ಮುಚ್ಚು ಅನ್ನೋರೆಲ್ಲಾ ಈಗ ಮೂಗೂ ಮುಚ್ಕೋ ಅಂತಾರೆ
ತೀರ್ಥ, ಪ್ರಸಾದ ಬಿಟ್ಟು ಸ್ಯಾನಿಟೈಸರ್‌ ಕೊಡ್ತಾರೆ
ಪೇಟೇಗ್‌ ಹೋಗಂಗಿಲ್ಲ, ಪೋಲೀಸ್ರು ಹೊಡೀತಾರೆ
ಸರ್‌, ಇದ್ಯಾಕೋ ಸರಿ ಇಲ್ಲ…
ಬೈಕ್‌ ಬಿಡಂಗಿಲ್ಲ, ಬಸ್ಸೂನೂ ಇಲ್ಲ
ಪರ್ಸಲ್ಲಿ ದುಡ್ಡಿಲ್ಲ, ಪಾನೀಪುರೀನೂ ಸಿಗಲ್ಲ
ಫ್ರೆಂಡ್ಸ್‌ ಮುಖ ನೋಡಿಲ್ಲ, ಓಡಾಡಂಗಿಲ್ಲ
ಸರ್‌, ಇದ್ಯಾಕೋ ಸರಿ ಇಲ್ಲ…
ಈ ಆನ್‌ಲೈನ್‌ ಕ್ಲಾಸ್‌ ನಮ್ಗಂತೂ ಆಗಲ್ಲ
ಡೇಟಾಗೆ ದುಡ್ಡಿಲ್ಲ, ಮನೇಲಿ ಕೇಳಂಗಿಲ್ಲ
ನೀವಾದ್ರೂ ಅರ್ಥ ಮಾಡ್ಕೋಳಿ ಇದನ್ನೆಲ್ಲಾ
ಸರ್‌, ಇದ್ಯಾಕೋ ಸರಿ ಇಲ್ಲ…
ಡಿಗ್ರಿ ಆಗ್ತಿಲ್ಲ, ಅಪ್ಪನ್‌ ಕಷ್ಟ ನೋಡಾಕಾಗಲ್ಲ
ದುಡೀತೀನಿ ಅಂದ್ರೆ ಕೆಲ್ಸಾನೂ ಸಿಗ್ತಿಲ್ಲ
ಓದೋ ತಂಗೀಗು ಮದ್ವೆ ಮಾಡ್ಬಿಟ್ರಲ್ಲಾ
ಸರ್‌, ಇದ್ಯಾಕೋ ಸರಿ ಇಲ್ಲ…
ಕೊರೋನಾ ನಮ್ಗೆ ಬೇಕಿರ್ಲಿಲ್ಲ…
-ಜಿಪಿ
ವಿಶ್ವವಾಣಿ ತಂಡಕ್ಕೆ ಧನ್ಯವಾದಗಳು...
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ