ಅಮ್ಮನಿಗೆ ಯಾವತ್ತೂ ಅನುಮಾನ!

-
















ಈ ಅಮ್ಮನಿಗೆ ಯಾವತ್ತೂ ಅನುಮಾನ…

ಯಾರು ಎತ್ತಿದರೂ ಅಂದಾಳು 'ಜೋಪಾನʼ
ಕೂಸು ಸೊಂಟದಲ್ಲಿದ್ದರೆ ಅದೆಂತಾ ಬಿಗುಮಾನ!
ಎಷ್ಟು ಅಲಂಕರಿಸಿದರೂ ಇಲ್ಲ ಸಮಾಧಾನ
ಯಾರ ದೃಷ್ಟಿ ತಾಕೀತೋ, ಮತ್ತೆ ಅನುಮಾನ!

ಆಕೆಯರಿಯಳೆ ಕಂದನ ಹಸಿವು- ಬಾಯರಿಕೆಯನ್ನ
ಕೂಸು ತೇಗಿದರಷ್ಟೇ ಆಕೆಗೆ ಸಮಾಧಾನ
ತಾನೆಂದಿಗೂ ಉಣ್ಣಳು ಬಿಟ್ಟು ಕರುಳ ಬಳ್ಳಿಯನ್ನ
ಅದೆಲ್ಲಿ ಸೊರಗೀತೋ, ಅಮ್ಮನಿಗೆ ಅನುಮಾನ

ಬಿಟ್ಟೇನೆಂದರೂ  ಬಿಡಳು ಆಕೆ 'ಕಂದʼನನ್ನ
ಯಾರು ಬೈದಾರು, ಹೊಡೆದಾರು ಎಂಬ ಚಿಂತೆಯನ್ನ
ಹೇಳ್ವಳು ಕಳಬೇಡ, ಕೊಲಬೇಡ ಎಂಬ ಮಾತನ್ನ
ಕಾಣ್ವಳು ಕಂದನ ಭವಿಷ್ಯದ ಸಿಹಿಗನಸನ್ನ!  

ʼಇದೆಂತಾ, ನಿಂಗೊತ್ತಿಲ್ಲ ಈ ಹೊಸ ಜಮಾನʼ
ʼಕಂದʼ ಬೈದೇ ಬಿಟ್ಟ ʼಹಳೆಯʼ ಅಮ್ಮನನ್ನ
ʼಏನೋ ಎರಡು ಮಾತಂದʼ, ಆಕೆಗಿಲ್ಲ ಅಸಮಧಾನ!
ಬಿಡಳಾಕೆ ʼಕಂದʼನೊಂದಿಗೆ ಮಾತನ್ನ

ʼಆಕೆʼ ಬಂದರೂ ಅಮ್ಮನಿಗೆ ಮತ್ತೆ ಅನುಮಾನ
ಬಿಡಳು ʼಕಂದನಿಗೆʼ ಎಲ್ಲಿ ಕುಂದಾದೀತು ಎಂಬ ಭಯವನ್ನ
ಕೊನೆಗೊಮ್ಮೆ ತುಸು ಬೇಸರ, ಜೊತೆಗೆ ನೋವಡಗಿದ ಮೌನ
ಆ ವಾತ್ಸಲ್ಯವೋ ಅದು ಸಾಗರ, ಅರಿತವರುಂಟೇ ಇದನ್ನ…

ಈ ಅಮ್ಮನಿಗೆ ಯಾವತ್ತೂ ಅನುಮಾನ…









ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಬೇಸರದಲ್ಲಿ ಬರೆದದ್ದು…ಹೌದಾ?!

-
ಇಮೇಜ್
ಬೇಸರದಲ್ಲಿ ಬರೆದದ್ದೇ? ಬರೆದು ಬೇಸರವಾಯಿತೆ… ಹೌದಲ್ಲಾ… ತಿಳಿಯುತ್ತಿಲ್ಲ.   ಆಕೆ ನೆನಪಾಗಿ ಕುಗ್ಗಿದೆನೇ? ಕುಗ್ಗಿದಾಗ ಆಕೆಯೇ ನೆನಪಾದಳೇ… ಹೌದಲ್ಲಾ..ಅದೂ ಇರಬಹುದಲ್ಲಾ!   ದುಡಿದು ದಣಿದೆನೇ? ದಣಿದಾಗ…ದುಡಿಯಬೇಕಲ್ಲಾ ಅನಿಸಿತೇ? ಹೌದಲ್ಲಾ..ಹಾಗೂ ಅನ್ನಿಸಿರಬಹುದಲ್ಲಾ!   ನೊಂದಾಗ ದೇವರು ನೆನಪಾದನೇ? ದೇವರ ನೆನೆಸಿಕೊಂಡು ನೊಂದೆನೇ… ಹೌದಲ್ಲಾ.. ಅದೇ ಆಗಿರಬೇಕಲ್ಲಾ!   ಒಂಟಿಯಾದಾಗ ಭಯವಾಯಿತೇ? ಭಯವಾದಾಗ ಒಂಟಿ ಅನಿಸಿತೇ… ಹೌದಲ್ಲಾ ಯೋಚನೆ ಸರಿಯಾಗಿದೆಯಲ್ಲಾ!   ಆಸೆಪಟ್ಟು ನಿರಾಶನಾದೆನೇ? ನಿರಾಶನಾಗಿ ಆಸೆಪಟ್ಟೆನೇ.. ಹೌದೌದು ಹಾಗೇ ಆಗಿರಬೇಕಲ್ಲಾ!   ಯಾರದೋ ಮಾತು ಚುಚ್ಚಿತೇ? ಮನಸ್ಸಿಗೆ ನೋವಾದಾಗ ಮಾತು ನೆನಪಾಯಿತೆ… ಹೌದು ಅದು ಸರಿಯಲ್ಲಾ!   ದೇವರ ನೆನೆಯದೇ ಕಷ್ಟ ಬಂತೇ? ಕಷ್ಟ ಬಂದಾಗ ದೇವರ ನೆನಪಾಯಿತೇ… ಹೌದಲ್ಲಾ ಆದರೆ ಇನ್ನೂ ತಿಳಿಯುತ್ತಿಲ್ಲ!   ಮೊದಲಿಲ್ಲ ಕೊನೆಯಿಲ್ಲ…ಇಲ್ಲಿ ಹಾಗೇ ಎಲ್ಲಾ ನಾನ್ಯಾರೋ ನೀನ್ಯಾರೋ ಗೊತ್ತಿಲ್ಲ ಹಿಂದೇನು ಮುಂದೇನು ತಿಳಿದಿಲ್ಲ ಎಲ್ಲವೂ ಗೊಂದಲ… ಆದರೂ ಜೀವನ ಬಲು ಸುಂದರ!   ಜಿಪಿ  
More here...

ಮಣಭಾರ ಒಯ್ಯಬೇಕು, ಬೆಟ್ಟವನ್ನೂ ಏರಬೇಕು ಎಂದರೆ ಆಗದು!

-
ಇಮೇಜ್
  ಟೈಮ್ ‌ ಹೋಗೋದೇ ಗೊತ್ತಾಗಲ್ಲ , ಅನ್ನುತ್ತಲೇ ವರ್ಷದ ಕೊನೆಗೆ ಬಂದು ನಿಂತಿದ್ದೇವೆ .! ಕಷ್ಟವೋ ಸುಖವೋ , ನಗುವೋ ಅಳುವೋ , ಹುಟ್ಟೋ ಸಾವೋ ಏನೇ ಆದರೂ ಈ ಕಾಲವನ್ನು ತಡೆಯೋರು ಯಾರೂ ಇಲ್ಲ ನೋಡಿ … ಇದೊಂಥರಾ ಸಿನಿಮಾದಂತೆ . ಕಥೆ ನಾವು ಬರೆದಿಲ್ಲ . ನಿರ್ದೇಶನವೂ ನಮ್ಮದಲ್ಲ . ಅದರ ಮೇಲೆ ಯಾವ ನಿಯಂತ್ರಣವೂ ಇಲ್ಲ . ಆದ್ರೂ ಸಿನಿಮಾ ಚೆನ್ನಾಗಿರ್ಬೋದು ಅನ್ನೋ ಬೆಟ್ಟದಷ್ಟು ನಿರೀಕ್ಷೆ ಇಟ್ಟುಕೊಂಡು ಥಿಯೇಟರ್ ‌ ಗೆ ಹೋಗ್ತೇವೆ . ಕೊನೆಗೆ ಸಕತ್ತಾಗಿದೇ ಅಂತಾನೋ , ಡಬ್ಬಾ ಮೂವೀ ಅಂತಾನೋ , ಕೆಲವೊಂದ್ಸಲ ಪರ್ವಾಗಿಲ್ಲ ಅಂತಾನೋ ಅಂದ್ಕೋತೀವಿ . ಅಂತೂ ಸಿನಿಮಾ ಮುಗೀಲೇ ಬೇಕು , ನಾವು ಮನೆಗೆ ವಾಪಸ್ ‌ ಬರ್ಲೇಬೇಕು . ನಿರೀಕ್ಷೆ ಅನ್ನೋದು ಎಲ್ಲರನ್ನೂ ಆಟಾಡ್ಸುತ್ತೆ . ಸಿಹಿಯ , ಗೆಲುವಿನ , ಖುಷಿಯ , ಸುಖದ ನಿರೀಕ್ಷೆ . ಎಂತಾ ಸೋಲಿನಲ್ಲೂ , ಎಂತಾ ಗೆಲುವಿನಲ್ಲೂ ಭವಿಷ್ಯದ ನಿರೀಕ್ಷೆ ಇದ್ದೇ ಇರುತ್ತೆ . ಇರ್ಲೇಬೇಕು . ಇಲ್ಲದಿದ್ದರೆ ಅದೇ ಅಂತ್ಯ . ನಮ್ಮ ಹುಟ್ಟಿದ ಹಬ್ಬವೋ , ಹೊಸ ವರ್ಷವೋ ವಿಶೇಷವಾಗೋದು ಇದಕ್ಕೇ . ಈ ವರ್ಷ ಹೇಗಿತ್ತು ಎಂಬ ಯೋಚನೆಯೊಂದಿಗೆ , ಹೊಸ ವರ್ಷ ಹೇಗಿರಬೇಕು ಎಂಬ ಮತ್ತದೇ ನಿರೀಕ್ಷೆ . ಇದನ್ನು ಕುತೂಹಲ , ಅಶಾಭಾವ ಏನಾದರೂ ಅನ್ನಿ . ಹೊಸ ವರ್ಷಕ್ಕೆ ಯೋಜನೆ ಬೇಕಾ ? ಯೋಜನೆಯಿಲ್ಲದಿದ್ದರೆ ನಮ್ಮ ಜೀವನ ಅದೃಷ್ಟವನ್ನೇ ಅವಲಂಬಿಸಿರುತ್ತದೆ . ಹಗ್ಗದ ಮೇಲಿನ ನಡಿಗೆಗಿಂತ   ಮುಳ್ಳಿನ ದಾರಿಯೇ ಆದೀತಲ್ಲವೇ ? ಹೊಸ ವರ್ಷದಲ್ಲಿ ...
More here...

ಕೊಟ್ಟಷ್ಟೂ ಹೆಚ್ಚುವ ಸಂತೋಷ!

-
ಇಮೇಜ್
ಘಟನೆ 1: ಅದು ಮಧ್ಯಾಹ್ನದ ಬಿಸಿಲು. ಊಟದ ಹೊತ್ತಾದ್ದರಿಂದ ಮಂಗಳೂರು ನಗರದ ಕಂಕನಾಡಿ ಟ್ರಾಫಿಕ್‌ ಸಿಗ್ನಲ್‌ ಬಳಿ ವಾಹನಗಳು ಸಾಲುಗಟ್ಟಿದ್ದವು. ವಾಹನ ಸವಾರರ ಮುಖದಲ್ಲಿ ಎಲ್ಲಿಗೋ ತಲುಪುವ ಧಾವಂತ, ಅನಿವಾರ್ಯವಾಗಿ ಕಾಯಬೇಕಾದಾಗ ಅಸಹನೆ ಕಾಣುತ್ತಿತ್ತು. ಬೆಳ್ಳಿ ಕೂದಲು ಹೊತ್ತ ಮುದಿಜೀವವೊಂದು ಪ್ರತಿ ವಾಹನದ ಬಳಿಯೂ ಬಂದು ಕೈಚಾಚುತ್ತಿತ್ತು. ಯಾರೂ ಕಾಸು ಬಿಚ್ಚುತ್ತಿರಲಿಲ್ಲ. ಅಷ್ಟರಲ್ಲಿ ನನ್ನ ಎದುರಿಗಿದ್ದ ದೊಡ್ಡ ಕಾರೊಂದರಲ್ಲಿದ್ದ ವ್ಯಕ್ತಿ ನಗುಮುಖದಲ್ಲೇ ಆ ಅಜ್ಜಿಗೆ ಒಂದು ನೋಟು ಕೈಗಿತ್ತರು. ಅಪರೂಪ ಎಂಬಂತೆ, ಕೆಲವು ನಿಮಿಷ ಪ್ರೀತಿಯಿಂದ ಮಾತನಾಡಿಸಿದರು. ಸಹಜವಾಗಿಯೇ ಅಜ್ಜಿಗೆ ಆಶ್ಚರ್ಯ, ಖುಷಿ. ಆಕೆಯದ್ದೋ ಹೊಟ್ಟೆ ಪಾಡು. ಆದರೆ ದುಡ್ಡು ಕೈಗಿತ್ತ ಆ ವ್ಯಕ್ತಿಯ ಮುಖದಲ್ಲಿ ಹೊಟ್ಟೆ ತುಂಬಿದಷ್ಟು ಸಂತೋಷ! ಘಟನೆ 2: ಅದೊಂದು ದೊಡ್ಡ ಮನೆ. ಯಾವುದಕ್ಕೂ ಕಡಿಮೆಯಿರಲಿಲ್ಲ. ಆದರೆ ಮನೆಯಲ್ಲಿದ್ದ ಇಳಿವಯಸ್ಸಿನ ವ್ಯಕ್ತಿಗೆ ಖಾಯಿಲೆಗಳು, ಮಾತ್ರೆಗಳೇ ಸ್ನೇಹಿತರಾಗಿದ್ದವು. ಅದಕ್ಕಾಗಿ ಅಡುಗೆ ಮನೆಗೆ ಹೋಗಿ ನೀರು ತೆಗೆದುಕೊಳ್ಳುವುದೇ ಅವರಿಗೊಂದು ಸಾಹಸ. ಅವತ್ತೂ ನಿಧಾನವಾಗಿ ಅಡುಗೆ ಮನೆಗೆ ಹೋಗುವ ಸಾಹಸ ಆರಂಭಿಸಿದರು. ಆಶ್ಚರ್ಯ! ಮುದ್ದಿನ ಮೊಮ್ಮಗಳು ನೀರು ತಂದು ಕೈಗಿತ್ತಳು. ನೀರು ಸಿಕ್ಕಿದೆ, ಅದೂ ಮೊಮ್ಮಗಳು ಕೊಟ್ಟಿದ್ದಾಳೆ. ಅಜ್ಜನಿಗೋ ಮಹದಾನಂದ. ಆ ಮುದ್ದು ಮಗುವಿನ ಮುಖದಲ್ಲಿ ಅದೆಂತದ್ದೋ ಸಂತೋಷ. ಅದು ಚಾಕಲೇಟು ಕೈಗಿತ್ತರೂ ಕಾಣದು. ...
More here...