ಎಂಚಿನ ಅವಸ್ಥೆ ಮಾರ್ರೆ…
(pic source: NPR)
ಬೊಲ್ಪುದ ಚಾ ಪುರಾ ಆದ್‌ ಒಂತೆ ಫ್ರೆಶ್‌ ಆಯಿನ ಅಜ್ಜೆರ್‌ ಅಂಚನೆ ಚಾವಡಿಗ್‌ ಬತ್ತೆರ್‌. ಪುಳ್ಳಿ ಸೀನೆ ಚಾವಡಿಡ್‌ ಮೊಬೈಲ್‌ ಪತೋಂದು ಕುಲ್ಲುದೆ. ಅಜ್ಜೇರೆನ ನೆಂಪು ಒಂತೆ ವೀಕ್‌ ಆಂಡಲಾ, ಮೋಕೆದ ಸೀನೆ ಇಂಚಿಪ ಕೆಲವು ವರ್ಷಡ್ ಡಿಗ್ರಿ ಮಲ್ತೊಂದುಲ್ಲೆ ಪಂಡ್‌ದ್‌ ಆರೆಗ್‌ ಮರಪ್ವಾ…ಮೋಕೆಡ್‌ ಕೇಂಡೆರ್‌…
ಅಜ್ಜೆರ್‌: ಮಗಾ ಏಪಲಾ ಆಲೆನ್‌ ತೂವೊಡ್‌ ಪನೊಂದಿಪ್ವತಾ ಮಗಾ…ತುಯ್ಯನಾ…ಎಂಚ ನಂಕ್‌ ಆವ?
ಸೀನೆ: ಓ
ಅಜ್ಜೆರೇ, ಅವ್ವು ಆನ್ಲೈನ್‌! ಈರೆಗ್‌ ಅವ್ವು
ಪುರಾ ದಾಯೆಗ್‌ ಪನ್ಲೆ. ಬಲೆ ಬಜ್ಜೆರ್‌ ತಿನ್ಲೆ
ಅಜ್ಜೆರ್‌: ಅವ್ವು
ಪುರಾ ಎಂಕ್‌ ಆತ್‌ ತೆರಿಯುಜ್ಜಿ ಮಗಾ…ಆವಡ್‌ ಎಡ್ಡೆ ಆವಡ್‌…
ಅಜ್ಜೆರೆಗ್‌ ಒಂತೆ ಕನ್ಫ್ಯೂಸ್‌ ಆಂಡ್‌…ಆಂಡಲಾ ಮೋಕೆದ ಪುಲ್ಲಿನ ಪಾತೆರೊಗ್‌ ಆರೆಗ್‌ ಬೇಜರ ಆಪುನ ಕಮ್ಮಿಯೇ…
ಸೀನನ ಅಮ್ಮ ಜಯಕ್ಕ ಗಟ್ಟಿಗಿತ್ತಿ ಪೊಂಜೋವು. ಸೀದ ಪಾತೆರ. ಅಂಚ ಪಂಡ್‌ದ್‌ ಕೋಪ ಕಮ್ಮಿ.
ಜಯಕ್ಕ: ದಾಯ್ತ ಮಾರಾಯ ನಿನ್ನ… ವಾರಗ್‌ ರಡ್ಡ್‌- ಮೂಜಿ ದಿನ ಕಾಲೇಜ್‌ಗ್‌ ಪೋಪ. ಅಲ್ಲ್‌ ಕೇನ್ನಕ್ಲು ಏರ್ಲಾ ಇಜ್ಯೆರಾ?
ಸೀನೆ: ಅಮ್ಮಾ…ಅವ್ವು
ಅಂಚತ್‌, ಈರೆಗ್‌ ಅವ್ವು ಪುರಾ ಅರ್ಥಾಪುಜ್ಜಿ ಬುಡ್ಲೆ
ಜಯಕ್ಕ: ಈ
ಎನನೇ ಮಂಗಟ್ಟೋವನಾ…ಆನ್ಲೈಲ್‌ ಪಂಡ್‌ದ್‌ ಮೊಬೈಲ್‌ ಆನ್‌ ಮಲ್ತ್‌ ದೀಪ, ಇಜ್ಜಾ ಏರೆಡನಾ ಚಾಟ್‌ ಮಲ್ತೋಂದು
ಕುಲ್ವ. ಇತ್ತೆ ಕಾಲೇಜ್‌ಗೇ ಪೋಪನ, ಅತ್‌ ಪೇಟೆ ತಿರ್ಗರನಾ?
ಸೀನೆ: ಇಜ್ಯಮ್ಮಾ
ಯಾನ್‌ ಕ್ಲಾಸ್‌ ಅಟಂಡ್‌ ಆಪೆ…ಈರ್‌ ಎಂಚೆಂಚಿನ ಪುರ ಪನೊಡ್ಚಿ
ಜಯಕ್ಕ: ಯಾನ್ಲಾ
ತೂವೊಂದುಲ್ಲೆ. ಡಿಗ್ರಿದಕ್ಲೆಗ್‌ ಕ್ಲಾಸ್‌ ಉಂಡು ಪಂಡ್‌ದ್‌ ಮುರಾನಿ ಪೇಪರ್‌- ಟೀವಿಡ್‌ ಪುರಾ ಬತ್ತುಂಡು.
ಅಂಚಿದಿಲ್ಲದ ಇಂಚರ ತೂಲ ಒಂಜಿ ದಿನ ಬುಡಂದೆ ಎಂಚ ಪೋಪಲ್‌. ನನ ಲಾಸ್ಟ್‌ಗ್‌ ಎಂಟೆಂಡೆನ್ಸ್‌ ಇಜ್ಜಿ
ಪಂಡ್‌ದ್‌ ಲೆತ್ತೆರ್ಡ ಯಾನ್‌ ಬರಯೆ, ನಿನ್ನ ಪೊಪ್ಪಲಾ ಬರಯೆರ್‌ ಜಾಗ್ರತೆ
ಸೀನೆ: ಇಜ್ಯಮ್ಮ
ಅಂಚ ದಾಲ ಆಪುಜ್ಜಿ. ಈ ಸರ್ತಿ ಎಂಕಲೆಗ್‌ ಎಟೆಂಡೆನ್ಸ್‌ ಕಂಪಲ್ಸರಿ ಇಜ್ಜಿ…ಸೋ ನೋ ವರ್ರಿ
ಜಯಕ್ಕ: ಓ
ಅಂಚ, ನಿಕ್‌ ಎಕ್ಸಾಂ ಬರೆಯರ ದಾಲ ಮಂಡೆಡ್‌ ಬೋಡತ್ತಾ ಮಾರಾಯ. ಅಯ್ಕಾಂಡಲಾ ಕ್ಲಾಸ್‌ಗ್‌ ಪೋವೊಡತ್ತಾ….
ಸೀನೆ: ಅಮ್ಮಾ
ಈರ್‌ ದಾಲ ಪೋಡ್ಯೊಡ್ಚಿ… ಯಾನ್‌ ಪಾಸ್‌ ಆಪೆ (ಇಂಚ ಪನ್ನ ಸೀನೆ “ಹಲೋ
ಬ್ರೊ…” ಪಂಡೊಂದ್‌ ಪೋದೇ ಬುಡ್ಯೆ)
ಜಯಕ್ಕ: ದಾದನ
ಮಗಾ… ಆನ್‌-ಆಫ್‌ ಆದ್‌ ಆದ್‌ ಟ್ಯೂಬ್‌ ಲೈಟ್‌ದ ಲೆಕ್ಕ ಬುಕ್ಕ ಪೂರಾ ಆಫ್‌ ಆಯಿಜಂಡ ಯಾರು…
(ಜಯಕ್ಕಗ್‌ ಒಂತೆ ಮಾಸ್ಟ್ರುನಕ್ಲೆನಾ ಮಿತ್‌ಲಾ ಕೋಪ, ಈ ಜೋಕ್ಲೆನ್‌ ಇಂಚ ದಾಯೆ ಬುಡ್ಪೆರ್‌ ಪಂಡ್‌ದ್‌. ಆಂಡಲ ಮಗನ ಬಗ್ಗೆ ಆರೆಗೊಂಜಿ ವಿಶ್ವಾಸ)
ಸೀನನ
ಬೆಸ್ಟ್‌ ಫ್ರೆಂಡ್‌ ಅರುಣೆ…ಕಾಲೇಜ್ಡ್‌ ಅಕ್ಲು ಬೇತೆ ಬೇತೆ ಇಪ್ಪುನೆನ್‌ ತೂದುನಕುಲೇ ಕಮ್ಮಿ…
ಅರುಣೆ: ಇನಿ ಒವ್ಯಾ ಕ್ಲಾಸ್‌…?!
ಸೀನೆ: ಹಿಸ್ಟ್ರಿ,
ಎಕನಾಮಿಕ್ಸ್‌…ಬೊಲ್ಪುಗ್‌. ಮಧ್ಯಾಹ್ನ ಬೊಕ್ಕ ಸಯ್ಯಡ್‌ ಒವ್ವಾಂಡಲಾ ನಂಕ್‌ ದಾನೆ. ಏರ್‌ ಕುಲ್ವುರೆ,
ನಿದ್ರೆಡ್‌ ಸಯ್ಪುಂಡ್‌
ಅರುಣೆ: ಹಾ,
ಆ ರಡ್‌ ಕ್ಲಾಸ್‌ಗ್‌ ಪೋಯಿ. ಮೋನೆ ತೋಜಾವಂದೆ ಬಾರಿ ದಿನ ಆಂಡ್‌
ಸೀನೆ: ಕನ್ನಡ
ಸಿಲೆಬೆಸ್‌ ಉಂಡಂಡ ಕೊರ್ಲಯಾ….ಎಕ್ಸಾಂಗ್‌ ನನ ರಡ್‌ ವಾರ ಇಪ್ಪುನ. ಎಂಚಾಂಡಲ ಪಾಸಾವೊಡತ್ತ…
ಅರುಣೆ: ಅವ್ವು
ಪುರಾ ಆ ರಾಗಿಣಿಡ ಉಂಡು. ಆಲ್‌ ಲೇಡಿಸ್‌ ರೂಮ್‌ಗು ಪೋದ್‌ ಜೆತ್ತಲಾಂದ್‌ ತೋಜುಂಡ್‌. ಫೋನ್ಲಾ ದೆಪ್ಪುಜಲ್‌
ಕರ್ಮದ…
(ಎಕ್ಸಾಂ
ಪಂಡಿಲೆಕನೇ, ಅರುಣಗ್‌ ಒಂಜಿ ಪೊಸ ಯೋಚನೆ ಬರ್ಪುಂಡ್‌)
ಅರುಣೆ: ಸೀನ ಈ ಸರ್ತಿ ಎಕ್ಸಾಂ ಡೌಟಿಯಾ…ಈ ಪೋಡ್ಯೊಡ್ಚಿ. ಕೊರೋನಾ ಕೇಸ್‌ ರೈಸ್‌ಡ್‌ ಉಂಡು. ಸೆಕೆಂಡ್‌ ವೇವ್‌ ಬತ್‌ನ್ಡ ಎಕ್ಸಾಂ ಮಲ್ಪರ ಛಾನ್ಸೇ ಇಜ್ಜಿ
ಸೀನೆ: ಅಂಚ
ಪನ್ಪನಾ, ಅಂಚಾಂಡಲಾ ಪನರಾಪುಜಿ
ಅರುಣೆ: ಇಜ್ಜಿಯಾ
ಯಾನ್‌ ಬೆಟ್‌ ಕಟ್ವೆ ತೂಲ… ಈ ಸರ್ತಿ ಗ್ಯಾರಂಟಿ ಅಂಚನೆ ಪ್ರಮೋಟ್‌ ಮಲ್ಪ್ವೆರ್‌
ಸೀನೆ: ಉದು
ಒಂತೆ ಜಾಸ್ತಿ ಆಂಡ್‌…ನಮಕ್‌ ಆಲ್ರಡಿ ಮಾಂತಲ ಲಾಸ್‌ ಆತುಂಡ್‌ಯಾ. ಆಕ್ಟಿವಿಟೀಸ್‌ ಇಜ್ಜಿ, ಎಲೆಕ್ಷನ್‌
ಇಜ್ಜಿ, ಓದುನಲಾ ಆತೆಕ್ಕಾತೆ. ಇಂಚಾಂಡ ನಮ್ಮ ಅವಸ್ಥೆ ದಾದ ಮಾರಾಯ. ಡಿಗ್ರಿ ಮಲ್ತ್‌ ನಮ ಓಡೆಗ್‌ ಪೋಪುನ.
ಕಲ್ತ್‌ದ್‌ ಬೇಲೆ ಇಜ್ಯಾಂಡ ಏರಾಂಡಲ ದಾನೆ ಪನ್ವೆರ್‌….ಜಸ್ಟ್‌ ಥಿಂಕ್‌ ಮಲ್ತುಲ
ಅರುಣನ
ಮೋನೆಡ್‌ ಸ್ಮೈಲ್‌ ಪೋದು ಒಂತೆ ಸೀರಿಯಸ್‌ ಆಯೆ. ದಾಯ್ತನಾ ಯೋಚನೆ ಬತ್‌ಲೆಕ ಇತ್‌ನ್ಡ್‌…
ಅರುಣೆ: ಅಂದ್‌ಯಾ…ಎಂಚಿ ಅವಸ್ಥೆ ಮಾರಾಯ ಉದು, ಇಂಚಾಂಡ ಎಂಚ? ಆವಂದ್‌ ನನಾಂಡಲಾ ಒಂತೆ ಓದೊಡು…
ಸೀನೆ
ಅರುಣನ ಬಾಯಿಡ್‌ ಈ ಪಾತೆರ ಏಪಲಾ ಕೇಂಡ್‌ದಿಜ್ಯಂಡ್‌. ಆಯಗ್ಲಾ ದಾನ್ನೋ ಯೋಚನೆ ಬರ್ಪುಂಡ್‌…
ಒಟ್ಟುಗೇ
ಪಜ್ಜೆ ಪಾಡ್ವೆರ್‌…ಈ ಸರ್ತಿ ದಾಲ ಪಾತೆರಕತೆ ಇಜ್ಜಿ…ಬಜೀ ಯೋಚನೆ
(ಜಿಪಿ)
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ