ಮನಸಿನ ಮಾತು...

  (pic source: NPR) ಬೊಲ್ಪುದ ಚಾ ಪುರಾ ಆದ್‌ ಒಂತೆ ಫ್ರೆಶ್‌ ಆಯಿನ ಅಜ್ಜೆರ್‌ ಅಂಚನೆ ಚಾವಡಿಗ್‌ ಬತ್ತೆರ್‌. ಪುಳ್ಳಿ ಸೀನೆ ಚಾವಡಿಡ್‌ ಮೊಬೈಲ್‌ ಪತೋಂದು ಕುಲ್ಲುದೆ. ಅಜ್ಜೇರೆನ ನೆಂಪು ಒಂತೆ ವೀಕ್‌ ಆಂಡಲಾ, ಮೋಕೆದ ಸೀನೆ ಇಂಚಿಪ ಕೆಲವು ವರ್ಷಡ್ ಡಿಗ್ರಿ ಮಲ್ತೊಂದುಲ್ಲೆ ಪಂಡ್‌ದ್‌ ಆರೆಗ್‌ ಮರಪ್ವಾ…ಮೋಕೆಡ್‌ ಕೇಂಡೆರ್‌… ಅಜ್ಜೆರ್‌: ಮಗಾ ಏಪಲಾ ಆಲೆನ್‌ ತೂವೊಡ್‌ ಪನೊಂದಿಪ್ವತಾ ಮಗಾ…ತುಯ್ಯನಾ…ಎಂಚ ನಂಕ್‌ ಆವ? ಸೀನೆ: ಓ ಅಜ್ಜೆರೇ, ಅವ್ವು ಆನ್ಲೈನ್ ‌! ಈರೆಗ್‌ ಅವ್ವು ಪುರಾ ದಾಯೆಗ್‌ ಪನ್ಲೆ. ಬಲೆ ಬಜ್ಜೆರ್‌ ತಿನ್ಲೆ ಅಜ್ಜೆರ್‌: ಅವ್ವು ಪುರಾ ಎಂಕ್‌ ಆತ್‌ ತೆರಿಯುಜ್ಜಿ ಮಗಾ…ಆವಡ್‌ ಎಡ್ಡೆ ಆವಡ್‌… ಅಜ್ಜೆರೆಗ್‌ ಒಂತೆ ಕನ್ಫ್ಯೂಸ್‌ ಆಂಡ್‌…ಆಂಡಲಾ ಮೋಕೆದ ಪುಲ್ಲಿನ ಪಾತೆರೊಗ್‌ ಆರೆಗ್‌ ಬೇಜರ ಆಪುನ ಕಮ್ಮಿಯೇ…   ಸೀನೆ: ಅಮ್ಮಾ….ಎಂಕ್‌ ಕಾಲೇಜ್‌ ಲೇಟಾಪುಂಡು, ತಿಂಡಿ ಕೊರ್ಲೇ… (ಕುಲ್ಲುನಲ್ದೇ ಕೇನ್ವೆ)   ಸೀನನ ಅಮ್ಮ ಜಯಕ್ಕ ಗಟ್ಟಿಗಿತ್ತಿ ಪೊಂಜೋವು. ಸೀದ ಪಾತೆರ. ಅಂಚ ಪಂಡ್‌ದ್‌ ಕೋಪ ಕಮ್ಮಿ. ಜಯಕ್ಕ: ದಾಯ್ತ ಮಾರಾಯ ನಿನ್ನ… ವಾರಗ್‌ ರಡ್ಡ್‌- ಮೂಜಿ ದಿನ ಕಾಲೇಜ್‌ಗ್‌ ಪೋಪ. ಅಲ್ಲ್‌ ಕೇನ್ನಕ್ಲು ಏರ್ಲಾ ಇಜ್ಯೆರಾ? ಸೀನೆ: ಅಮ್ಮಾ…ಅವ್ವು ಅಂಚತ್‌, ಈರೆಗ್‌ ಅವ್ವು ಪುರಾ ಅರ್ಥಾಪುಜ್ಜಿ ಬುಡ್ಲೆ ಜಯಕ್ಕ: ಈ ಎನನೇ ಮಂಗಟ್ಟೋವನಾ…ಆನ್ಲೈಲ್‌ ಪಂಡ್‌ದ್‌ ಮೊಬೈಲ್‌ ಆನ್‌ ಮಲ್ತ್‌ ದೀಪ, ಇಜ್ಜಾ ...